HOREB DIE BERG VAN GOD.hoofstuk 5

Hoofstuk 5.


Horeb die berg van God.


Ons het verduidelik wat in die tuin van Eden gebeur het. Jy verstaan nou dat jou liggaam Eden genoem word en jy verstaan die tuin in Eden, jou gesig. Jy verstaan ook dat gerubs wat jou verblind, jou laat sterf om die boom van lewe te bewaak, en jou oorspronklike man/huweliksmaat/Christus vervang het.
Nietemin, wil ek ‘n bietjie meer praat oor wat presies in die tuin van Eden gebeur het en hoe dit gebeur het, voordat ek jou na die berg Horeb neem.
Die grootste gebeurtenis in die tuin van Eden/jou brein, is die omruiling van jou huweliksmaats.
0f deur ‘n ander oog gesien, dit is die verandering van huweliksmaats in die hemel. Nie alleen is jy hierdeur in jou brein bevrug nie, maar ook die atmosfeer is bevrug.
Ek sê; jy sowel as die atmosfeer het geestelik swanger geword.
Kan jy enigsins verstaan wat ‘n wonderlike gebeurtenis dit is?

Hierdie verandering het in verskillende fases gebeur soos bv.; die ontwikkeling van die sintuie met Moses en toe oor baie jare die ontwikkeling van verbeelding na die koms van Jesus en laastens die ontwikkeling van realiteit nl. die sewende gees met die sogenaamde tweede koms, wat inderwaarheid nie ‘n koms is nie maar die opstaan of opwekking van die Seun van die mens is, nie op ‘n manier soos die slang in die woestyn, ‘n sigbare idool nie, maar op ‘n geestelike manier.

Ons kan sê; wat in Gen. 3 gebeur het is ‘n beskrywing van Golgota en horeb is ‘n foto van Golgota terwyl Jesus die model is en wat nou gaan gebeur is die ware Jakob.

Genesis is ‘n kort kompakte opsomming van die bybel soos 3000 bladsye opgesom in 5 bladsye. Om hierdie rede het Genesis duisende gelykenisse, die een versteek in die ander.
Genesis is dan ook ‘n beskrywing van Golgota vanaf ver gesien, ‘n vae prentjie. Horeb is ‘n meer gefokusde beeld vir die oog terwyl Jesus en Golgota ‘n tasbare skaalmodel is.
Openbaring is ‘n geestelike visie asof van die toekoms, maar verklaar die bybel van voor tot agter en verder.
Nietemin, die openbaring kan SLEGS ‘n openbaring wees wanneer ons intelligent genoeg is om dit te verstaan, anders sal dit ‘n geslote boek wees soos dit inderdaad vir die kerk is, want die gerub in die voorkop het hulle verblind. Moenie beledigd voel nie, want God het ons verblind.

Eden, Horeb en Golgota openbaar mekaar en Genesis en Openbaring verklaar mekaar. Vir die eerste keer in die bestaan van die mens openbaar God nou alles, maar nie alles gelyktydig nie, jy sal geduldig moet wees. Vir die eerste keer sal predikant en hoer hul gemeenskaplike roeping verstaan.
Vir die eerste keer sal predikante verstaan wat hulle al die jare gepreek het.

Die bybel sê wanneer hierdie skrywe uitgaan sal baie predikante hulself vermom en ontken dat hulle ooit ‘n prediker was. Dit is tog nie nodig nie want glo my jy het ‘n damn goeie werk gedoen net soos die hoer.

Genesis 3 is ‘n ander weergawe van die tien gebooie. Ek wil iets anders verduidelik voordat ek jou terug neem na Eden.

Gen. 6:1 toe die mense op die aarde begin vermeerder en daar vir hulle dogters gebore is, vers 2, sien die seuns van God dat die dogters van die mens baie mooi was, en hulle het vir hulle as vroue geneem almal wat hulle verkies het.

Soos jy nou al behoort te verstaan; die woord man word in die oorspronklike skrif gebruik en hierdie woord beskryf nie slegs die “mens” nie, want op daardie stadium was die mens nog dier.
As ons dan weer hierdie verse lees kan ons dit as volg lees;
Toe man (die lewe op aarde) begin vermeerder en daar vir hulle (dogters) verskillende liggame gebore is, het die geeste (seuns) van God/hemel toe hulle sien dat hierdie liggame mooi was, het hulle gealianeer na enige liggaam wat hulle verkies het. Hulle kon in of uit woon in enige liggaam wat hulle verkies.
Vers 4. in die dae was die reuse op aarde en ook daarna toe die geeste (seuns) van God by die aardse liggame (dogters) ingegaan en die vir hulle kinders gebaar het, dit is die geweldiges, reuse kreature.
Dit is die tyd van die dinosourus.
Vers 7; en die HERE sê; ek sal man, die reuse kreature wat ek geskape het van die aarde verdelg.
Vers 17; want kyk ek, bedoelende ek die lewende gees, bring ‘n watervloed oor die aarde, om van onder die hemel te verdelg alle vlees. Gen. 7 beskryf hierdie vloed en ons deel met dit in ‘n ander hoofstuk.

Wetenskaplikes sê nou dat daar ‘n groot katastrofe was wat + of - 85% van alle lewe uitgewis het. Ons deel met dit in ‘n ander hoofstuk.
Kan ek jou hierdie vraag vra?
Het jy geweet die bybel sê die aarde was oorspronklik drie planete wat in ‘n driehoek geleë was? Wat het van die ander planete geword? Ons bespreek dit later maar dink solank daaroor.

Soos ons gesê het, Genesis is slegs ‘n opsomming van die bybel net so ook die vloed wat in ander dele van die bybel beskryf word.

Kom ons gaan terug na Eden.
Soos jy nou verstaan; ons is seuns van God, geestelike sperm en voorheen kon ons in of uit beweeg van enige liggaam wat ons verkies; plante, vis, diere en enige ander liggaam.
Maar; ons het vasgevang geraak in hierdie liggame toe God ons hemel afgesny het van hom af.
Judas vers 6; en die engele (seuns van God) wat hul eie beginsel nie bewaar het nie, maar hul eie woning/liggaam verlaat het, het hy vir die oordeel van die groot dag met ewige boeie onder die duisternis (in sigbare liggame) bewaar.
Hierdie sê eenvoudig; ons het vleeslike wesens geword. Ons het van glorie tot hel geval.
God het slegs twee plekke geskep; HEMEL EN AARDE, LIG EN DUISTERNIS.
‘N Geestelike plek en ‘n fisiese plek of die hemel plek en die hel plek of ‘n plek van lig en ‘n plek van duisternis of ‘n onsigbare plek en ‘n sigbare plek.
As jy nie op hierdie stadium in die hemel is nie dan is daar net een ander plek waar jy kan wees en dit is hel. Die hemel van hel het ook sy verskillende lae van glorie. Die laagste plek van die hel is naby Jerusalem, die dooie see.
Het die vlooi jou gevang?

Gen. 3:4; toe sê die slang vir die vrou; julle sal gewis nie sterf nie.
Vers 5; maar God weet dat (die dag) as julle daarvan eet julle oë sal oopgaan, sodat julle soos God sal wees. Die oorspronklike skrif sê; die dag as julle daarvan eet.
Hy sê; dieselfde dag wanneer jy daarvan eet sal jou oë oopgaan.
Dieselfde dag = die sesde dag.
Het die slang gelieg?
Vers 7; toe gaan altwee se oë oop, (die van die man en die vrou).
Vers 22; toe sê die HERE God; nou het die mens geword soos een van ons (hulle het God geword).
Die slang het nie gelieg nie, het hy? Behalwe vir die feit dat ons sterf, maar jy het intussen ‘n lewende onsterflike siel ontwikkel en dood is net tydelik soos jy weet, want jy moet sterf om God te sien. Jy moes deur die Jordaan rivier gaan/gedoop word in die Jordaan soos Jesus gedoen het, want jy is met dieselfde doop van dood gedoop. Jy kan besluit of jy met die bybel wil verskil en saamstem met die wat sê die slang het gelieg; ons sal later meer hieroor sê.

Om in die Jordaan rivier gedoop te word, beteken om met die dood gedoop te word.
Tot nou het die kerk gepreek dat die slang gelieg het, maar jy kan nou duidelik sien dit is ‘n leuen, want die bybel sê dit is nie waar dat die slang gelieg het nie.

Wie is hierdie slang?
Hy is Lusifer die Môrester.
Lusifer het die betekenis van; draer van lig, bedoelende draer van die woord van God. Ons sal later verduidelik wie hy werklik is.
Wat anders kan ons sien of leer omtrent Eden?
1) ons het gesien dat nadat die vrug van die oog gepluk is, het die oë oopgegaan, logies.
2) Die mens het soos God geword, net soos die slang gesê het.
3) Eva/mens het die moeder van alle lewe geword OMDAT sy die vrug geëet het.
4) Die geestelike seuns van God (ons) het vlees geword, vasgevang in die vlees. Gen. 3:21; en die HERE God het vir Adam en sy vrou rokke van vel gemaak en hulle dit aangetrek.
Die betekenis van God het rokke van vel gemaak is baie eenvoudig; ons het vlees geword; hy het ons in vleeslike liggame geplaas; ons bedek met vel, jou huidige liggaam.
5) God het hulle geklee; ons het kennis ontvang, want ons was naak, sonder kennis. Die eerste ding wat gebeur het nadat die oë oopgegaan het was; Gen. 3:7; en hulle word gewaar/het geweet; hulle het kennis ontvang, logies want die oog is die boom van kennis.
Tot vandag is jy vertel dat Adam en sy vrou kaal was, nou weet jy…
die geestelike Seun/man/Christus was ook sonder kennis, vers 7 sê hulle was albei kaal…
6) die pluk van die vrug het hulle vrugbaar gemaak, voorheen was hulle nie vrugbaar nie, ons praat van geestelik vrugbaar.
7) Die oopgaan van die oë was die geboorte van ‘n nuwe gees vir die wesens op aarde. Nou het ons geestelike wesens begin raak soos God. Ons kon slegs vrugbaar/soos God word NADAT ons die vrug van die oog geëet het. Was dit dan sleg dat ons die vrug geëet het wat die slang ons aangebied het? Die man en vrou het dus mekaar bevrug om geboorte te gee aan ‘n nuut gebore vir die skepping. Daar was nog nooit so ‘n kind/gees gewees in die ganse skepping nie. Die kind se naam is; Kain, Satan, bose een, kind van die mens. Miskien sal jy geskok wees as ek sê dit is reuse vooruitgang vir die skepping; onthou ons praat van ‘n gees van verbeelding, die tweede grootse mag in die skepping, of deur ‘n ander oog gesien, die siel van God.


Die pligte van hierdie kind word beskryf in die betekenis van sy naam;
Hy is ‘n belasteraar, valse beskuldiger, kwaadprater, ‘n demoniese wese, ‘n opponent vir God, ‘n aanhitser/uitlokker, om op te hemel/te fuif, maar dit is nie al nie; sy pligte behels ook die volgende; om volle sig te herwin, om duidelik te sien, om duidelike klank/spraak en kleur te herwin, om in die huwelik uit te gee (tussen verskillende atome/liggame), om vastigheid te skep, om op te rig, om te skep, om voort te bring, om te herwin (die verlore siel van God/die skepping), om terug te koop/te delg/te boet, te besit, te bekom, te koop, om lering te gee, jaloersheid, te besit, om musiek te skep ens. Sy No is 6.

Dit lyk werklik of hy ‘n baie besige program het, is dit nie so nie?
Jy behoort regtig nou te verstaan dat dit van jou spreek; verstaan jy dit?

Soos ons voorheen gesê het, hy is die gees van verbeelding.
Wat het hy geskep deur middel van verbeelding?
Jy kan maar net na die laaste 100 jaar kyk om te sien wat verbeelding geskep het.
Ek noem ‘n paar; ons het verbeel om te vlieg – ons vlieg, dink aan rekenaars, internet – jy kan nog hope byvoeg van wat verbeelding gebring het.
Die belangrikste een Is jy, jy het jouself geskep. Satan is die skepper van vorm en fatsoen, want 6 bepaal fatsoen en vorm. Dit het die heelal geskep tot sy huidige vorm en fatsoen, met ander woorde alles wat jy nou sien.
Glo jy dit, of klou jy aan oorlewering?
Maar; al sy sigbare skeppings sal gesloop word.
Miskien vra jy, waarom is dit?
Want die sigbare is slegs ‘n skadubeeld van die werklikheid.
Die waarheid is die geestelike realiteit in die hemel, maar ons moes die model/idool hê om realiteit te skep, net soos wat ons ‘n plan van ‘n argitek moet hê om die huis te bou.

Wil jy steeds vashou aan ou uitgediende kennis of kan jy die doel van die boom in die middel van die tuin in Eden sien?
Ek sê; kan jy die doel sien waarom Satan geskep is, want God het gesê hy het Satan geskep?
Gaan jou oë nou oop soos die slang gesê het?
Kan jy verstaan hoe jy stadigaan ‘n geestelike wese/God geword het?
Wel ek het dit aan jou bewys, het ek nie? Het ek?
Hierdie is nie al nie, jy sal baie ander dinge leer en ons sal baie ander openbaringe maak wat jou sal skok en dinge wat nooit aan jou vertel is nie of waar die leuen aan jou vertel is. Jy sal alles leer oor die blatante leuens wat op skool en in die kerk aan jou vertel is. Ek sê maar weer, ek is anti leuens.

Maak nou jou brein gordels vas en volg my na Horeb die berg van God. Jy weet nou waarom dit die berg van God genoem word.
Dit word die berg van God genoem omdat dit sy beeld verteenwoordig; dit openbaar wie, wat en hoe God is.
Die laaste berg van God wat sy beeld beskryf is soos voorheen gesê, Tafel Berg in die middel van Kaapstad die Moederstad, dit het die volle beeld van God.
Tafelberg openbaar die volle beeld van God, sy geskiedenis en sy toekoms.

Wie is God?
God is die skepping.
God is elke/enige/alle gees.
God is ‘n hemelse gees Christus.
God is ook die aardse geeste naamlik; die huweliksmaat van Eva/aarde/mens.

Wie is hierdie huweliksmaat?
Dit is die Gees van die aarde.
Wat is die Gees van die aarde?
Dit is die Gees/God, wat geboorte gehad het uit die sigbare, uit die oorsprong van die menslike oog en ander sintuie. Ons kan dus sê hy is die Gees van alle sigbare dinge; plante, diere, jou kar, jou stoel ens., hy verteenwoordig die sigbare.

Is hy God?
Ja die Kroon Prins van die aarde het Jesus gesê, die God van die aarde sê die bybel, die God van die sigbare, alle sigbare dinge behoort aan hom insluitende jou liggaam. Satan het gesê die wêreld behoort aan hom, is aan hom gegee.
Hy is die een om jou liggaam te laat verrot om terug te keer tot stof, want hy is ook die vernietiger, want hy is die gerub in die voorkant van jou brein wat die boom van lewe beskerm.
Ek sê; jy is verantwoordelik vir jou eie dood.
Ek sê; die saad van dood is in die voorkant van jou brein, (vir hulle wat dit wil ondersoek.)
Hoe bewaak hy die boom van lewe?
Deurdat hy jou laat sterf, want hy het mag om jou te laat sterf. Toe die aards engel Migeal ‘n dispuut gehad het met Satan oor die liggaam van Moses het die Satan die dispuut gewen; Judas vers 9.
Waarom het hy die dispuut gewen? Want alle sigbare dinge behoort aan hom, God het hom daaroor aangestel.

Die Duiwel is ‘n voorspeller volgens die bybel. In genesis 3 het hy voorspel dat jou oë sal oopgaan op dieselfde dag wat jy die vrug van die oog eet. Dieselfde dag is die sesde dag en niemand kan betwyfel dat ons nog steeds op die sesde dag is nie. Het/gaan jou oë nou oop op die sesde dag?
Jy mag dalk sê; jy verdedig Satan en laat hom goed lyk. Ja en nee. Ek verdedig die feit dat dit nodig was vir God om die duiwel te skep om die slawe werk te doen vir die skepping. In elk geval, jy is hierdie duiwel waarvan ons praat want onthou, jy is die ma van alles wat lewe.
Ek sê; die duiwel is die ma van die Satan. Baie mense mag nou hierdie stelling verwerp omdat hulle hulself as heilig beskou? Dit maak in elkgeval geen verskil daaraan dat Satan die vyand van God is nie. Satan is die siel van God en dit is die siel wat in opstand gekom het teen God. As jy dit nognie verstaan nie sal jy dit later verstaan.
Ek sê; jy is die vyand van God en jy kan nou besluit of jy goed wil lyk. Ek kan dit vir jou sê; daar is niks goed in my behalwe die liefde van God in my.

Onmiddelik na die verraad het Jesus gesê; die Prins van die aarde is oppad. Dit is die verraad wat Satan as God gekroon het en dit het gebeur aan die nagmaal tafel, ‘n instelling van God. Die “stukkie” van verraad is die vrug van die oog of die nagmaal self waarmee jy omgekoop is.
Mark. 8:33; hy het Petrus bestraf en gesê; gaan weg agter my Satan.
Ek sê; die oomblik toe jy die vrug geneem het, het Satan in jou ingegaan, want die siel = die gees van Satan. Die nagmaal is die simbool daarvan dat jy die vrug/stukkie geneem het.

Een uur na 11/9/2001 sal Satan verdwyn. Sy werk sal klaar wees. Hy sal vir duisend jaar verdwyn en dan sal ons hom weer opwek vir ‘n kort tydjie, maar nie op dieselfde manier as nou nie.
Waarom sal ons hom weer opwek?
Want ons sal weer vir die laaste keer nodig hê om die sigbare te verheerlik om ons te versterk, te energeer, maar ons sal volle beheer en kennis oor hom hê.

Ek sê; die bestaan van die huidige menslike liggaam het tot sy einde gekom en sal aan die einde van die sesde dag verdwyn/vernietig word want sy werk sal voltooi wees.
Ek sê; die end van die sesde dag is een uur weg en dit sal ons by die sewende dag van rus bring, want einde en begin is op presies dieselfde oomblik en logies kan hulle nie geskei word nie.

Wanneer daardie oomblik aanbreek sal jy jou skepping sien, alles in ‘n oomblik. Jy sal in staat wees om die hele skepping in een blik waar te neem.
Dit sal 70% deurskynend wees met die wonderlikste en onbeskryflikste spel van kleure. Ook jou liggaam sal deursigtig wees. Jy sal die musiek hoor wat jy geskep het, onbeskryflik vir ons denke. Al hierdie dinge is in ‘n oomblik geskep, maar vir ons wat in tyd vasgevang is het dit 20 biljoen jaar geneem. Ons is diegene wat in die vlees/vleis diens doen. Dieselfde oomblik as jy aan iets dink bestaan dit waaraan jy dink onmiddelik.

Die betekenis van Moses is; om uit die water te “trek” en ook om te red. Die idée is dus om hierdie “water” diere wat uit die see gekom het na Horeb te transporteer en hulle te ontwikkel deur middel van die gebooie.
Moses “trek ons dus uit die water” om land diere te word en om die sintuie te ontwikkel van hierdie “water diere” om uiteindelik land diere te word soos ons vandag is.
Moenie beledigd voel as ek van diere praat nie want selfs vandag nog is ons diere, slegs semi geestelik met ‘n lae intelligensie. Daar mag hulle wees wat hiermee verskil, wel dan is jy reeds in die hemel.
Hierdie exodus met Moses is die eerste stap om die siel te vorm, om die asem van die lewende siel in die mens in te blaas om hom ook instaat te stel om die skepping ‘n SIEL te gee.
Die sintuie is die baarmoeder om geboorte te gee aan die siel.

Die skepping het sy siel verloor – die aarde het.
Abel die asem, die geestelike asem van die aarde is “doodgeslaan” deur sy broer Kain die bose gees van die oog. Abel het die betekenis van; asem – die siels asem van die aarde – die ewigdurende bron van lewe van die aarde.
Aarde het dus haar siel Abel verloor, doodgeslaan deur sy broer, want God sê in Gen. 4:10; die stem van die bloed van jou broer roep na my van die aarde af.
Die siel = die bloed en daarom roep die siel.
Die siel is vasgevang op die aarde, want ons is vasgevang in die liggame van diere.
Abel is die geestelike broer van Kain.
Ek sê; Abel is nie ‘n mens nie, hy is ‘n gees net soos sy broer Kain.
Vers 11; aarde het haar mond oopgemaak om die bloed van jou broer uit jou hand te ontvang (in gevangeskap te hou.)
Hierdie vers sê; aarde het ontvanklik geword, bevrug geraak om haar siel te ontvang.
Abel was die vredevolle gees van die aarde totdat die gees van die oor/oog oorheers het en uiteindelik sy broer gedood het. Jy sal jou kan verbeel hoe wreedaardig die gees van die dinosouris was. Selfs vandag is die mens wreedaardig en maak mekaar dood; ons spandeer biljoene om te leer hoe om dood te maak.

Hierdie “diere” is na Horeb gebring om God te hoor en te sien, om die sintuie te ontwikkel; aangesien hulle voorheen vis was, is die sintuie swak ontwikkel. Ons kan sê hulle was beswaarlik geestelike wesens want hulle het slegs vier sintuie gehad en ook die was swak ontwikkel.
Die tien gebooie was daar om hierdie wilde dier te leer en hulle te disiplineer en toegewyd te maak.



Die beelde van Horeb.

Kom ons kyk na die beeld van die berg waar Moses ons geneem het. Ingeheel verteenwoordig die berg die beeld van God. Die berg het twee pieke, Sinai en Sion ‘n denkbeeldige piek. Hierdie twee pieke simboliseer die twee vroue van Abraham.

1) Sinai = Hagar die slaaf van Sara wat geboorte gegee het aan Ismael die wilde een.
2) Sion = Sarah die moeder van Isak die denkbeeldige een wat nog nie gebore was nie. God het ‘n seun aan Abram belowe en hy het geglo. Om te glo is om te verbeel.


Gals. 4:22-24; daar is geskrywe dat Abraham twee seuns gehad het, een uit die slavin en een uit die vrye.
Die betekenis van slavin (bondmaid) = om te verskrik, ontsettende, verskriklike, grusame en ‘n idool. Dit beskryf die ma van Ismael en jy kan jou indink hoe die kind moes wees. Wat hierdie eintlik sê is; die sintuie is geskep deur verskrikking, vrees, ontsetting en grusaamheid.

Die een uit die slavin is gebore na die vlees, die ander een uit die vrye, deur die belofte/deur geloof/ deur verbeelding; dit is sinnebeelde, want die twee vroue staan vir twee verbonde, die een van die berg Sinai afkomstig, wat vir die slawerny kinders baar, dit is Hagar.
Die betekenis van belofte word as volg beskryf; die aankondiging of belofte van woord/spraak – dit impliseer die koms van Jesus.
Vers 25; want Hagar staan vir die berg Sinai in Arabië….

Hierdie vergadering by berg Sinai is die geboorte van Abraham se eersgeborene Ismael met berg Sinai as ma. Die ma is vrees en verskrikking en grusaamheid.

Ismael is ‘n simbool van Kain.
Ismael beteken; God sal hoor of gehoor as sintuig.
Die drie gebeure by Horeb is;
1) om te hoor/om gehoor te verbeter, want vis het geen gehoor gehad nie en om al die sintuie verder te verbeter.
2) Die geboorte van hierdie “wilde esel” = die sintuig van die oor.
3) Die derde rede is om te begin om geloof te kweek; om iets te roep wat nog nie bestaan nie.
Ek sê; om te roep vir die geboorte van Isak deur middel van geloof/verbeelding— die belofte van die geboorte van Isak.
Om die waarheid te sê; dit was om te roep vir die geboorte van Jesus wie nog nie vir ons gebore was nie. Ek sê; dit was om te roep vir die een wat vir ons sondes sou sterf op Moria, maar hy het nie gesterf nie want God het voorsien. Dit was ook om te roep vir verbeelding.
Die betekenis van Isak is; gelag, om te lag of te spot; verder; om te blink (môrester).

Kom ons beskryf nou die beeld van God wat aan ons voorgehou is as ‘n berg.
Die berg = God = man en vrou.
Die sigbare berg is soos jy weet; vroulik en duisternis.
Die berg = twee pieke = twee vroue = twee verbonde.
Die stem wat van die berg af kom = Christus = manlik. Die berg simboliseer die luidspreker en die stem die musiek.

Daar was ook ‘n ander geboorte by Horeb, naamlik die van die groot rooi draak met tien horings en sewe koppe. Sien Open. 12:3.
Die tien horings is die tien gebooie. ‘n Horing simboliseer mag; hoe langer die horing, hoe meer mag het hy in die hemel. Ons sal die sewe koppe later verduidelik.
Die berg is ook die vrug/stukkie vir die oog en ‘n simbool van die nagmaal.
Ons sal met elkeen afsonderlik deel;



Die geboorte van Ismael.


Die geboorte van Ismael is die geboorte van die vyfde sintuig naamlik gehoor, want die betekenis van Ismael is; hoor.
Omdat gehoor die belangrikste is verskyn God aan hulle in ‘n dik wolk, sien Ex. 19:9.
Die betekenis hiervan is; God is onsigbaar vir hulle sintuie want God is gees.
In elkgeval kon die Israeliete nie onderskei tussen man en vrou of God en HERE. Selfs jy kon nie onderskei tot nou nie.
Ek wil dit duidelik maak; dit is nie ‘n gees van die oor as sulks nie, eerder ‘n sintuig van die oor wat oopgaan, ‘n gewaarwording.
Slegs met die koms van Jesus kan ons praat van geeste. Sintuie is ook gees maar baie swak ontwikkelde gees, nie soos joue nie maar dit was die begin van die ontwikkeling van gehoor – om intelligent te luister. Jesus het die vermoë om intelligent te luister verder ontwikkel.

Ex.19:16; en op die derde dag toe dit môre word, was daar donderslae (vir gehoor) en blitse en ‘n swaar wolk (vir sig)op die berg en die geluid van ‘n baie sterk basuin sodat die hele volk wat in die laer was gebeef het (vir gevoel). Vir gevoel, emosies, nie aanraking want elkeen wat die berg aanraak moes sterf. Vers 11.
Vers 18; en die hele berg Sinai het gerook omdat die HERE in ‘n vuur daarop neergedaal het. Sy rook het opgetrek soos die rook van ‘n oond en die berg het vreeslik gebewe.
Vers 19; toe die geluid van die basuin sterker en sterker word het Moses gespreek. Hierdie vers sê; soos die oor meer en meer oop-gegaan het, het die gebod meer en meer werklikheid geword.
Sien ook Deut. 4:11; julle het nader gekom en onder aan die berg gestaan en die berg het met vuur gebrand tot in die middel van die hemel, met duisternis, wolke en wolkedonkerheid.

Die prentjie wat hier vir ons geskilder word is een van duisternis terwyl God onsigbaar is.
Jy weet dus die berg is = vroulik = Hagar.
Duisternis is ook die simbool van Satan. Die sigbare is nie Satan nie maar verteenwoordig Satan, want Satan is die gees/stem van die sigbare. Hy is die stem van die sigbare of die stem van die vrou of in hierdie geval die stem van die berg of die verteenwoordiger van die berg. Alhoewel Christus, die stem van die hemel op die berg is, kon ons nie onderskei tussen die stem van die hemel en die stem van die aarde of die stem van die man en die stem van die vrou/sigbare.

Dit is dus Satan wat op die berg is; die God van die sigbare,want ons het gedink dit is die stem van die berg, ons het gedink die berg is God want die sigbare het ons verblind.
Om hierdie rede lees ons in Ex. 19:5, waar Satan praat en sê; as julle dan nou terdeë na my stem luister (obey my voice) en my verbond hou, sal julle my eiendom (a peculiar treasure) uit al die volke wees, want die hele aarde is myne.
Die woord eiendom of peculiar beteken; om stil te bly, om oor te gee.
Soos ons voorheen gesê het en jy behoort dit nou te verstaan, ja die aarde behoort aan Satan. Maar slegs die aarde, en daarom sê hy nie hemel en aarde nie, maar die aarde.
Eva het “oorgegee” – dit aan Satan gegee met die hulp van die HERE.


Die verbond waarna hy verwys is die tien gebooie, en daar is geen mens op aarde wat die gebooie kan onderhou nie. Ek sê; niemand kan nie!!!
As jy na enigiets kyk met begeerte is jy skuldig en jy moet sterf. Indien daar enigeen is wat wil beweer hy kan die gebooie onderhou kan ek hom slegs een vraag vra; waarom sterf jy? Die enigste rede waarom jy sterf is omdat jy nie die gebooie kan nakom nie, want die gebooie het mag om jou te laat sterf.

Verseker, ek kan nie die gebooie nakom nie.
Kan jy? As die sogenaamde Jood kon sou hy nie sterf nie. Om te sê jy kan = ‘n leuen.

Die tien gebooie is dus Satan se voorwaardes. Dit is sy manier om ons te sif, want die bybel sê hy het vir ‘n sif gevra. Sien Luk.22:31. Ons verduidelik dit later. Waarom is dit so belangrik om hierdie verduidelikings te verstaan en te ken? Omdat dit Eden uit ‘n ander hoek beskryf en baie meer verklaar sodat jy dit kan glo as die waarheid en kan weet wanneer ons met Jesus deel.

Alhoewel ek my bes doen om dit te verduidelik is dit ‘n baie komplekse studie en baie vreemd vir ons denke; die bybel sê, baie sal dit nie verstaan nie, waarskynlik omdat daar duisende verskillende gelowe is en elkeen van hulle is “die geloof wat die enigste waarheid is” en niemand wil met die ander praat nie, die een verwyt die ander en beskou homself as heilig.

‘n Tydjie gelede het ek ‘n sekere Mnr lemmer gebel, skrywer van ‘n boek wat deel met die tweede koms en hom gevra of ek hierdie manuskrip vir hom kon stuur om te lees. Die eerste ding wat hy en baie ander vra is; waar aanbid jy? Indien dit nie by dieselfde geloof is nie of geen plek nie, wil hulle nie met jou praat nie. Nietemin, hy het my ‘n klomp vrae gevra, hulle self beantwoord en toe ek nie kon saamstem nie het hy sumier totsiens gesê. Ek het in elkgeval die manuskrip vir hom gestuur met ‘n brief waarin ek sê dat ek hom graag wil vermeld as, vir of teen God. Verder het ek gevra; waarom hy Heilige Spook/Slaap (Ghost) in Heilige Gees verander het. Jy mag dalk vra; wat is verkeerd daarmee? Wat verkeerd is, is; daar is ‘n GROOT verskil!! Ons praat later daaroor.

Dit gee die onwilligheid van die “kerk” te kenne en hoe God die harte van hulle wie hy wil verhard. Nietemin die bybel het dit vooruit gesê; gelukkig het ek nie die oordeel geskryf nie. Baie het gesê hulle is te besig om die manuskrip te lees.
Ek het die manuskrip ook aan ‘n professor in teologie gestuur wat die bybel bestudeer. Hy het ‘n brief gestuur wat twee maande vooruit gedateer is waarin hy ontvangs erken. Ek het hom ‘n ander brief gestuur waarin ek hom bedank vir sy brief uit die toekoms en gesê dat ek nou uit die verlede aan hom skryf en sal graag sy kommentaar wou hoor. Ek het nooit weer van hom gehoor nie. Ek dink ons het “kontak” verloor?

Een wêreldwye godsdiens organisasie het my per brief laat weet dat hulle prokureur sê hulle mag nie “goed” deur die pos ontvang nie.

Is dit so moeilik om verkeerd te wees of om te luister of te verander?
Ek moet sê; verandering is nie maklik vir my nie en om verkeerd te wees is regtig moeilik.
Met blydskap sal ek verkeerd wil wees met my siening van die kerk, maar hulle moes dit verwerp sodat die bybel vervul kon word.
Nogtans was al hierdie verskillende gelowe absoluut nodig soos jy later sal verstaan.

Nietemin, die stem wat ons vanaf die berg hoor is die stem van die vrou, want die sigbare simboliseer die vrou.
Ek sê; ons het na die stem van ons vrou/ma geluister of na die vrou van God en nie na die stem van die hemel, die man nie.
Dit is dieselfde as om te sê; die luidspreker is musiek en ons het dus die vrug van die sigbare geeët.

Die vrou (berg) het ons gegee om te eet.
Gen. 3:17; aan die man het hy gesê; omdat jy geluister het na die stem van jou vrou (jou liggaam) en van die boom geëet het (deur middel van, dat jy geluister het na die stem van jou vrou) waarvan ek jou beveel het om nie te eet nie, vervloek is die aarde om jou ontwil.
Gen. 2:17; … die dag as jy daarvan eet sal jy sekerlik sterwe. (dieselfde dag)
Gen. 16:2; gaan tog in by my slavin; miskien sal ek uit haar gebou word/kinders hê.
Abraham het na sy “vrou se stem” geluister en so is Ismael die wilde esel gebore. Die een wie se naam beteken; om te hoor/gehoor, die vyfde basuin.

Kain is gebore omdat die man na sy vrou se stem geluister het en die bose kind/gees is gebore, omdat hy die vrug geëet het.
Ismael is gebore omdat Abraham na die vrou se stem geluister het en die wide een is gebore/’n wilde gees.
Hierdie twee gebeure verklaar mekaar, asook Golgota. Golgota is die simbool van Sinai en andersom.

Omdat ons na die stem van die vrou van God geluister het by Sinai is die rooi draak gebore. Die rooi draak simboliseer hierdie “wilde gees” wat by Sinai gebore is toe die oor oopgegaan het. Toe die basuin van die oor geblaas het.
Jy kan sekerlik verstaan dat die oor nie in ‘n kwessie van ‘n paar dae by Sinai oopgegaan het nie, dit het eerder oor duisende jare gebeur. Jou oor gaan eintlik eers nou oop terwyl jy hier lees, alhoewel daar verskillende fases is van die oopgaan van die oor bv.; die oopgaan van die oor as ‘n sintuig, die oopgaan van die oor vir die verbeelding en laastens vir realiteit naamlik die Lewendmakende Gees wat nou besig is om met jou te gebeur.

Soos jy nou kan verstaan; die stem van die vrou (aarde) van God word genoem Satan; hy is die verteenwoordiger/man van die sigbare. Jy kan aangaande die rooi draak in Open.13 lees.
Open. 13:1; ek het ‘n dier uit die see sien opkom met sewe koppe en tien horings…

Hulle aan die voet van Sinai, hulle wat uit die see opgekom het naamlik “die vis wat land diere geword het”, simboliseer hierdie dier, hulle gees simboliseer die dier.
Die see = hulle gees, dus; die see is hierdie gees wat gebore is uit hulle wat uit die see gekom het en by die voet van Sinai vergader het; hierdie gees is dus die rooi draak of die gees van gehoor. Sien Open. 12:3.

Die oopgaan van die sintuig van die oor is die basuin van die vyfde basuin. Dit is ook die oopmaak van die vyfde seël.
Open. 9:1; toe die vyfde engel blaas sien ek ‘n ster wat uit die hemel (dit is die Môre ster) op die aarde geval het en aan hom is die sleutel van die put van die afgrond gegee.
Vers 2; en hy het die put van die afgrond oopgemaak en daar het rook opgekom uit die put soos die rook van ‘n groot oond en die son en die lug is deur die rook van die put verduister.

Vergelyk Ex. 19:18-20; en die hele berg Sinai het gerook omdat die HERE/’n engel in ‘n vuur daarop neergedaal het. Sy rook het opgetrek soos die rook van ‘n oond en die hele berg het gebewe.

Wat presies het hier gebeur en waarom het die Môrester na die aarde geval?
Wie is hierdie Môre ster?
Die Môre ster is “Jesus Christus”. Toe die oor oopgaan het Christus geval en die HERE geword; God het vlees geword/hoorbaar vir die naakte oor terwyl God gees is. As ons deur ‘n ander oog kyk; HERE is die gees van die aarde, Satan.
Ek sê; CHRISTUS het nou SATAN geword (Here), mondstuk van die aarde.
God het nou ons vyand geword en ons die vyand van God.

Hierdie is die vleeswording van Christus.
Toe die geluid van die basuin sterker en sterker word, het Moses gespreek…
Terwyl die HERE op die berg Sinai neerdaal..

Is dit duidelik vir jou? Verstaan jy?
Kom ons herhaal net weer; dit was die HERE wat neergedaal het, NIE Christus nie, want hy was nog onsigbaar vir ons op daardie stadium.
Vuur is die simbool van die gees van Satan en ons deel dus met Satan as die God van die aarde.

Laat ons opsom.

1) die vyfde basuin het geblaas = die vyfde sintuig is gebore/gehoor is gebore, die sintuig om te luister.
2)Die dier is gebore – het uit die see gekom = uit geloof/ die gees van hierdie wesens.
3) Ishmael/hoor is gebore – die wilde gees. Gen. 16:12; hy sal ‘n wilde esel van ‘n mens wees; sy hand teen almal en almal se hand teen hom. Ons weet almal hoe wild hierdie mens was; dink aan die oorloë van Dawid of die laaste wêreld oorlog. Ex. 32:27; Ismael die wilde een is gebore; so spreek die HERE die God van Israel; laat elkeen sy swaard aangord aan sy heup, gaan heen en weer van poort tot poort in die laer en laat elkeen sy broer, sy vriend en elkeen sy naaste dood maak. Vers 28; drie duisend het gesterf.
Satan DIE MOORDENAAR IS GEBORE, HY REGEER AS God.
4) die rooi draak is gebore met sewe koppe en tien horings (die tien gebooie).



DIE GOUE KALF.


Die aanbidding van die goue kalf is die resultaat of ‘n simbool van wat by Horeb gebeur het.
Dit openbaar die tien horings en die sewe koppe. Nou vir die eerste keer in die bestaan van die mens openbaar God hierdie geheim. Ons kon nie hierdie geheime ontsyfer nie want ons het nog nie die intelligensie gehad om die gelykenisse te ontsyfer nie, maar nou is jou siel ontwikkel en jy KAN hierdie openbaring verstaan as jy wil. Daar mag hulle wees vir wie dit onmoontlik is om verkeerd te wees, God seën hulle ek weet hoe moeilik dit is.

Die goue kalf is die simbool van die dier/draak wat by Sinai gebore is, naamlik gehoor.
Ons het reeds bespreek waarom dit nodig was vir Sinai; dit was om die sintuie te bevorder, want Sinai = die betekenis van sintuiglik of simbolies.

Ons het gesê; daar was vuur en swart wolke vir sig en daar was die basuin vir gehoor en die berg het gebewe vir gevoel/aanraking en vrees. Vrees is die grootste inhoud om die sintuie te skep/te verskerp.

In Ex; 24:11 lees ons; Israel het God gesien en het Geëet en gedrink.
Hierdie eet en drink is vir die ander twee sintuie naamlik reuk en smaak.
Wat dit in der waarheid sê is; hulle het God gehoor en gesien; die berg is God en hulle het hierdie gees geëet en gedrink. Die gees van die oog en die oor; gees gaan in by die oog en oor asook by die mond, wat die eet simboliseer, want gees gaan uit by die mond om die ore te voed.

Alle sintuie is dus opgewek, aangeblaas en hierdie eerste gewaarwording gee geboorte aan Ismael die wide een, die rooi draak, die oopgaan van die oor.
Om hierdie rede het die besnydenis van die manlike orgaan gekom.
Dit is die verbond tussen God en Abraham.
Dit beteken; dit is ‘n insnyding in die fisiese sintuie terwyl Jesus ‘n insnyding in die siel/hart is.
Dit is ‘n insnyding in die manlike orgaan omdat dit geestelik is, want gees is manlik.

Dit moet nou absoluut vir jou duidelik wees dat dit ‘n opwekking van die sintuie van hierdie dierlike mens is, die dier wat uit die see gekom het en nou in land diere ontwikkel het.
Om hierdie rede noem ons dit die dier uit geloof; uit die see/water = gees, alle vloeistof stel gees voor.

‘n Dier is ‘n wese met ‘n baie lae intelligensie, maar jy kan nou self oordeel hoe laag selfs ons intelligensie is, want ons het nooit hierdie dinge geweet nie, want ons het intelligensie benodig om die simbolisme van die bybel te verstaan en tot vandag het Satan ons misbruik vir sy eie agenda en voordeel.

Dit is die sigbare wat ons mislei/deurmekaar maak; dit is dus Satan wat vir ons raaisels, gelykenisse, hipoteses en spieël beelde gegee het, want hy is die gees/verteenwoordiger/God van die sigbare.

Niemand van ons kan nou hierdie dinge ontken nie. Kan jy? Indien jy kan het jy dus ‘n beter verklaring?
Jy mag dalk sê; ja maar dit was ons voorouers, hulle is die skuldiges!
Baie mooi ontsnapping maar wag tot ons by Jesus kom!!
Horeb/Sinai is elke dag by ons en ons kan nie sê ons was nie daar nie, want Horeb is hier by jou nou. Jy kon egter nie onderskei tussen lig en duisternis of man en vrou nie en daarom is jy net so skuldig soos jou voorouers wat jy nou mag beskuldig.
Hierdie dinge was nog altyd hier reg onder ons neuse en as God dit nie nou openbaar het nie --- God weet!!!!

Die goue kalf is die sigbare beeld/idool van ons God Satan. Ons het ‘n goue kalf/dier aanbid en ons was diere, en om hierdie rede was die bloed van ‘n dier/bul genoegsaam om vir ons sonde te betaal. Ons was vyf sintuiglik en daarom kon ‘n bul, ook vyf sintuiglik aanvaar word as betaling vir ons sondes.
Die idée met die bul was dat sy bloed uit die liggaam gedreineer word = sy siel is “uitgetap”, want sy siel is in die bloedselle of liewer, die siel van die sintuie is in die bloed.
‘n Priester het dan die bloed in die Heilige kamer ingeneem terwyl ons in die Voorhof gewag het.
Die idée was dat al ons sonde hierdie bloedlose/siellose karkas sou penetreer en dat die bloed/siel gered word.
Hierdie sonde gepenetreerde liggaam word dan ver buite die laer verbrand met die idée dat al ons sonde verbrand het tot as/stof. Ver buite die laer simboliseer, ver weg van God af.

Omdat ons ‘n kalf aanbid het, moes die kalf/bul ons toegangs fooi na die volgende kamer betaal. Dit sê eintlik dat God vir die sonde moet betaal, want God het nou sonde geword vir ons. Ons sal die betekenis van die Tabernakel in ‘n ander hoofstuk bespreek.



Die sewe koppe en die tien horings.


Gedurende die laaste twee of drie dekades het ek baie verduidelikings gehoor aangaande die sewe koppe en tien horings. Die idée wat by sommige van die kerke gebly het is; dat die sogenaamde ou Romeinse ryk (Europa) weer herbou sal word en ‘n sterk wêreld mag sal wees wat uit tien “state” sal bestaan en die wêreld sal “regeer” of iets tot die effek. Ook dat die sewe heuwels van Rome die sewe koppe voorstel en hoe miljoene mense sal sterf.
Ek wil nie veel hieroor sê nie behalwe; ‘N BLATANTE BLINDE LEUEN!!!
Gedurende die jare het kerk ook sy voorspellings verander en elke keer sê die gemeente; amen!!!
Verder het die kerk deur die jare sekere mense uitgewys en gespekuleer; is hy nie dalk die antichris nie? Ek weet, want ek was daar.
Jy sal nou alles omtrent die waarheid leer!!!

Wat hierdie wel bewys is; hoe die mens altyd die vinger na ‘n ander wys as die skuldige een, nooit na homself nie; dit is die voorouers, ‘n ander kerk of ‘n ander persoon, maar ons vind altyd ‘n skuldige sodat ons heilig kan voel.
Maar soos die spreekwoord sê; as jy een vinger na iemand wys is daar altyd vier wat na jouself wys.
Die bybel stel dit so; wanneer jy iemand beskuldig het jy jouself beskuldig/veroordeel.
Hierdie is ‘n onveranderlike geestelike wet.
Kan ek dit so stel; wanneer jy iemand na die hel verdoem, is jy alreeds in die hel. Jy sal binnekort die waarheid hieromtrent uitvind.
MAAR; het ons dan vergeet dat ook Jerusalem bekend is vir sy sewe heuwels?

Nietemin; die tien horings is die tien gebooie wat ons by Sinai van Satan ontvang het. Die bybel sê die gebooie is geestelik terwyl ek vleeslik/sintuiglik is.
Ek sê; die gebooie is bedoel om ‘n geestelike voedsel te wees vir die sintuie, ‘n lewende Woord.
Maar omdat ek steeds ‘n vyf sintuiglike wese was, kon ek nie onderskei tussen sigbaar en onsigbaar of lig en duisternis of manlik en vroulik of wat hierdie geestelike kos is nie.
Kan ek dit so aan jou stel; ons was onopgevoed en totaal onnosel. Dit is om hierdie rede dat ons na Horeb gebring is, om ons sintuie te ontwikkel en om opgevoed te word deur middel van die gebooie wat dood eenvoudig sê; JY SAL NIE.
Genesis is ‘n ander weergawe van die gebooie wat sê; jy sal nie eet van die boom in die middel van die tuin nie.
Jy sal verstaan as ek sê; dit het duisende jare geneem om die sintuie te ontwikkel, want eers nou verstaan ons hierdie dinge. Geen predikant het dit nog ooit verstaan nie.

1Kor 15:56; .. die krag van die sonde is die wet (die tien gebooie)
Jy mag dalk vra, wat is hierdie krag, wat bedoel jy daarmee?
Die wet het die krag en mag ontvang om jou te dood, want as jy nie binne die wet bly nie sterf jy.
Die horings op die koppe simboliseer die mag wat daardie spesifieke kop dra en daar is sewe koppe.

Ek sê; by wyse van die wet het Satan homself bemagtig om jou dood te maak.
Onthou, dit is sy voorwaardes en sy voorwaardes is eenvoudig onmoontlik vir ons sintuie om na te kom. Ons sintuiglike brein is nie in staat om daaraan te voldoen nie, bloot omdat ons oë het wat direk aan die brein gekoppel is. Inteendeel, die gebooie is so ontwerp dat dit ONMOONTLIK is om na te kom, want die hele idée was dat die mens moes sterf. Jy sal dit later verstaan.
Nietemin, indien jy instaat sou wees om die gebooie na te kom sou jy nooit sterf nie; niemand kon dit nog ooit regkry nie. Geen selfbenoemde Jood kan nie, of sterf hulle nie?

Elkeen wat die berg aanraak sal sterf Ex. 19:12-13.
Wat word bedoel met; die berg aanraak?
Hoe het ons die berg aangeraak?
Ons het die berg beraak deur die volgende;
Deur die gebooie te oortree.
Ons het die berg aangesien vir God, ONS HET GOD GESIEN.
DIE BYBEL Sê; ONS KAN God nie sien nie tensy ons sterf. Die idée was om die sintuig van hoor te open en ook God sou ons hoor. Sien Deut. 5:23 en 28.
Soos gesê, die verskyning by Horeb was nie om God te sien nie;
Deut.4:12; die HERE het met julle uit die vuur gespreek; julle het ‘n stem (van woorde) gehoor, maar GEEN verskyning nie – NET ‘n stem was daar.
As jy enige een van die gebooie oortree sterf jy PUNT!!!

Moses probeer om ons te laat verstaan dat dit nie ‘n sigbare verskyning is nie, maar slegs ‘n stem van woorde wat verskyn het = Christus.

Maar natuurlik het ons gesien; vers 11; julle het nadergekom en onderaan die berg gaan staan, en die berg het met vuur gebrand tot in die middel van die hemel, met duisternis, wolke en wolkedonkerheid.
Ons het al hierdie dinge gesien en die prentjie van vuur, donkerheid ens. is ‘n duidelike prent van Satan. Ex. 24:11; … hulle het God aanskou; daarop het hulle geëet en gedrink. (net soos Adam en Abraham)
Wat het ons gedrink en geëet?
Ons het God gesien en die gees van duisternis geëet en gedrink, die gees van Satan. Ons het dus die berg aangeraak. Wat meer is, ons het na die stem van die vrou geluister, naamlik ons het na die stem van die sigbare berg (Hagar) geluister, die stem van Satan en omdat ons geluister het, het ons DIE VRUG geëet net soos Adam en Abraham en Satan is gebore, hy het by ons “ingegaan”. Om hierdie rede sê die bybel dan dat ons die kinders van Hagar is. Vergeet die bog wat aan jou vertel is dat die Asiate die kinders van Hagar is en jy nie.

Om hierdie rede besny ons die voorhuid van die hart; die manlike voorhuid verberg die vorm van ‘n hart. Sien Deut. 10:16.
Eintlik sê hierdie vers; besny die sintuie van die hart – die siel.
Baie duidelik was die siel ‘n sintuiglike siel op daardie stadium en nie ‘n lewende siel soos Gen. 2:7 sê nie. Selfs diere moes sterf as hulle die berg aanraak en inderdaad, diere sterf soos ons weet, dus het hulle die berg aangeraak.

Jy mag dalk sê; hoe het hulle die berg geraak?
Kom ons maak dit maklik en sê; enige wese met oë sal sterf, want die oog is die boom in die tuin in Eden en as jy die vrug van die oog eet sterf jy.
Dit is bedoel om so te wees. Mens en dier is noukeurig ontwerp om diens in die vlees te doen en om te sterf, dit is jou sending om te sterf nie om te lewe nie. Lewe begin eers na die dood en jy kan God nie sien as jy nie sterf nie. Aanvaar dit nou maar; jou sending is spesifiek OM TE KOM SONDE DOEN.
Ek sê; om God te sien moet jy sterf, dit is die enigste manier om God te sien.
Ons kan egter opsommend sê;
Omdat ons God gesien het moes ons sterf, ons het Satan as ons God gesien by Sinai.

Die tien gebooie = tien horings.
‘n Horing simboliseer mag en hoe langer die horing, hoe meer mag en hoe hoër het dit in die hemel opgegaan. Elke gebod verteenwoordig ‘n horing = gees. Daar is byvoorbeeld ‘n horing van begeerte.
Ek sê; die gebod/horing wat sê jy mag nie begeer nie het mag ontvang om jou te dood wanneer jy begeer.
Om hierdie rede sterf ek persoonlik!! Want in alle eerlikheid, ek kan nie sê dat ek nie begeer nie!! Kan jy?
Elke horing simboliseer dus die mag van daardie spesifieke gebod en daar is sewe koppe met tien horings.

Openb.13:1; ek Johannes, het op die sand van die see gestaan en ek het ‘n dier sien opkom uit die see met sewe koppe en tien horings en op sy koppe tien krone en op sy koppe ‘n naam van Godslastering.
Hierdie dier is die rooi draak met sewe koppe en tien horings beskryf in Openb.12:3. Sy tien krone is die bewys dat hy gekroon is as heerser oor die aarde, as God van die aarde.
Ek sê; die die tien gebooie heers as God.
Kan ek Openb. 13:1 anders stel en sê; ek het ‘n gees sien opkom uit die geloof, die geloof dat ons die God van vuur gesien het, die groot rooi/vuur draak, want hy het in vuur neergedaal op die berg van God.

Wat beteken die sewe koppe met tien horings?
Dit beteken dat een kop vier horings het en die ander koppe een horing elk.

Die kop met die vier horings = die eerste vier gebooie naamlik;

Ek is die HERE jou God…
1) jy mag geen gode voor my aangesig hê nie…..
2) Jy mag vir jou geen gesnede beeld maak nie…
3) Jy mag jou voor hulle nie neerbuig nie…
4) Jy mag die naam van die HERE jou God nie ydelik gebruik nie.

Waarom het een kop hierdie vier horings?
Omdat ons die eerste vier gebooie oortree het toe ons die goue kalf aanbid het en gesê het; hierdie is ons God. Ons het dus die eerste vier gebooie saamgevoeg en het een kop uit hulle gemaak of ons het vier horings op een kop geplaas of ons het een horing uit vier horings gemaak.
Natuurlik het die kop met vier horings baie meer mag as die ander koppe met een horing.

Ex. 32:1-6; vers 4; hulle sê; dit is jou Gode…
Ons het een krag, een mag gemaak en die tweede, die derde en die vierde gebooie verontagsaam. Hierdie kop sê; Ek is die Here jou God voor wie jy mag neerbuig. Die God wat ons by Horeb gesien het.

Dan. 7:20; en oor die tien horings wat op sy kop was, en die ander een wat opgekom het en waarvoor drie geval het…
Die drie wat geval het is logies die tweede, derde en vierde gebod want ons;
1) het ander Gode.
2) ons het ‘n gesnede beeld gemaak, ‘n goue kalf.
3) Ons het voor hulle neergebuig.
4) Ons gebruik ook die naam van die HERE ydelik.
Hierdie drie horings/gebooie het voor die eerste horing/gebod geval wat sê; Ek is die HERE jou God!!!! Sien Ex 32:4.
Dan. 7:6; daar was ‘n ander een soos ‘n luiperd, en dit het vier vlerke van ‘n voël op sy rug gehad; ook het die dier vier koppe gehad en aan hom is heerskappy gegee.
Hierdie beskryf die rooi draak wat die mag van hierdie vier gebooie/horings ontvang het terwyl die vlerke die gees van die dier simboliseer.
Die vlerke simboliseer ook dat hierdie gees van die draak in die hemel opgevaar het; dit simboliseer ook dat vier engele uit hierdie gebeure by Sinai gebore is. Verder simboliseer dit die toring van Babel.

Daar is baie meer hieroor te sê, maar ek wil jou nie te veel op een slag gee nie want dit kan omsit in slegte spysvertering en die bottel laat bars.
As gevolg van hierdie sonde het Moses ‘n plan van God ontvang op die berg Horeb. Die plan is die plan van die tabernakel of die plan van redding.
Die tabernakel het drie kamers;
1) die voorhof.
2) Die Heilige kamer.
3) Die Allerheiligste kamer.
Dit is ‘n ander bespreking wat baie geheime en openbaringe inhou wat ons nooit voorheen geweet het nie.

Om hierdie rede het God Elia die profeet gestuur om hierdie dinge aan ons te openbaar volgens die belofte in Mal. 4:6. Elia moenie as ‘n persoon gesien word nie maar as ‘n gees in die hemel, alhoewel jy mag vra; waar kom die gees vandaan? Ek kan nie hieroor praat op hierdie oomblik nie.

Nietemin, ek moet bietjie meer verduidelik oor die een kop met vier horings.
Terwille van vergifnis oor die verwydering van drie horings/gebooie moes die priester van die bloed van die bul aan die vier horings van die altaar van die reukwerk smeer asook aan die koppe of horings van die brandoffer altaar; sien Lev. 4:7 en 25.

Ons kan tog nou baie duidelik verstaan dat al hierdie dinge soos die volg van die dier instellings van God was met baie goeie redes, wat jy mettertyd sal verstaan.


OPSOMMING.

Jy verstaan nou wie die rooi draak met sy sewe koppe en tien horings is en jy verstaan die betekenis van die dier uit die see, maar kom ons som op wat ons nog geleer het.
Ons het groot mag gegee aan die kop met die vier horings deurdat ons die eerste vier gebooie oortree het en dat ons een horing uit hulle gemaak het.
Verder het ons geleer dat Horeb ‘n prentjie is van die beeld van God.
Ons het ook die volgende geleer;
Aarde is duisternis/hel want God het slegs twee plekke geskep; hemel en hel. Die eerste wesens op aarde het die hemel besmet met slegte dinge en om hierdie rede is hulle uitgewis.
Die mens het slegs geestelik vrugbaar geword nadat hy die vrug van die oog geneem het.
Jy weet nou dat Lusifer die betekenis het van; draer van die lig of draer van die woord van God. Alle sigbare dinge behoort aan Satan en jy het ‘n sesde gees geskep met die menslike oog as skepper.
God het vlees geword, het jasse van vel gekry Gen. 3:21.
Die rede vir die vleeswording is om kennis te bekom aangaande die sigbare.
Verder; om volle sig te skep, duidelike kleur en klank, om musiek te skep en om in die huwelik uit te gee.
Om in die huwelik uit te gee het insiggewende betekenis soos;
Om gees te gee aan die dooie/ferm voorwerpe, om hemel en aarde te trou sodat hulle een gees, een lewende wese kan word.
Om ‘n nuwe heelal te skep met ‘n nuwe vorm en fatsoen.
Om hierdie werk te volbring is ‘n tydelike liggaam, die mens geskep wat vir slegs een dag, die sesde dag van die skepping sou lewe.
Om dit te bereik moes die mens uit die vaste materie van die skepping geskep word om dit dan in ‘n geestelike wese te omskep.
Lewe het in die see/water begin en hierdie kreature het uit die see gekom en is in landdiere omskep.
Die eerste ding om te skep was gehoor en dit het hierdie dier in ‘n wilde een verander, genoem Ismael, sy hand teen sy broer en sy broer se hand teen hom, wat die wreedheid van hierdie mensdier uitbeeld, selfs vandag is dit nog O.K. om mense dood te maak.
Hierdie wilde een se gees word genoem; die dier uit die see wat die transformasie uitbeeld van seediere tot landdiere en ge-energeer word deur die kop met vier horings.

In ons volgende bespreking sal jy omtrent die tabernakel leer, wat ‘n ware weergawe van jou eie liggaam is.
Ons sal die eerste twee kamers bespreek.
Jy sal leer wat die diepe slaap van Adam is en wat presies die Heilige Spook (Ghost) is.
Jy sal ook leer wie Lusifer is en wat presies sy doel is en ook wie die dier uit die see werklik is.

Die Seun van die mens seën jou,
johannes.